| 1 | Terrae motum vento fieri dicunt, [A, et eius.] eius visceribus instar spongiae cavernosis incluso, qui hanc horribili [A, C, fremore.] tremore percurrens, et evadere nitens, vario murmure concutit, et se [A, tremescendo.] tremendo vel dehiscendo cogit effundere. |
| 2 | Unde cava terrarum his motibus subiacent, utpote venti capacia: arenosa autem et solida carent. Neque enim fiunt, nisi coelo marique tranquillo, et vento in venas terrae condito. Et hoc est in terra tremor, quod in nube tonitruum: hocque hiatus, quod fulmen. Fiunt simul cum terrae motu et inundationes maris, eodem videlicet spiritu infusi vel residentis sinu recepti. |